வடக்கின் பிரதான வைத்தியசாலைகளில் ஒன்றான யாழ் போதனா வைத்தியசாலை, இப்பகுதியில் 24 மணி நேரமும் சுறுசுறுப்பாக இயங்க வேண்டிய கட்டாய சூழலில் உள்ளது. சனி, ஞாயிறு மற்றும் விடுமுறை தினங்கள் அல்லது விசேட பண்டிகை நாட்களிலும், இந்த வைத்தியசாலையின் சேவைகள் தொடர்ந்து வழங்கப்படுகின்றன.

இங்கு சிகிச்சை பெற்று வரும் ஆயிரக்கணக்கான நோயாளிகள் மற்றும் அவசர சிகிச்சைக்கு அனுமதிக்கப்படுகின்ற புதிய நோயாளிகள் என்பதே இயல்பான நிலை. இதனால், இங்கு கடமையாற்றும் வைத்திய நிபுணர்கள், வைத்தியர்கள், தாதியர்கள் உள்ளிட்ட பல்வேறு உத்தியோகத்தர்களும் தங்களது பொறுப்புகளைச் சிறப்பாக நிறைவேற்றிக் கொண்டிருக்கின்றனர். பண்டிகை காலங்களிலும் இவர்கள் ஆற்றும் அர்ப்பணிப்பு உண்மையிலேயே பாராட்டத்தக்கது.

தொலைதூரங்களில் இருந்து கடமையாற்ற வந்துள்ள இவர்களில் பலர், இன்றைய தினத்திலும் தங்கள் வீடுகளுக்கு செல்லாமல், வைத்தியசாலையில் கடமையாற்றி நோயாளிகளைப் பராமரித்து வருகின்றனர். இவ்வாறான அர்ப்பணிப்புடன் கூடிய கடமையாற்றும் உத்தியோகத்தர்களின் சேவை, வைத்தியசாலையின் திறமையான செயல்பாட்டுக்கு காரணமாக இருக்கிறது.

இன்றைய தினத்தில், சிறிய அளவில் தீபாவளி பண்டிகை வைத்தியசாலையில் கொண்டாடப்பட்டது.